Pa słovach načalnika Salihorskaj rajonnaj inśpiekcyi pryrodnych resursaŭ i achovy navakolnaha asiarodździa Andreja Kaminskaha, zakaźnik byŭ sfarmavany ŭ vyniku palavych daśledavańniaŭ Instytuta ekśpierymientalnaj bataniki NANB imia Kupreviča. Rašeńnie ab jaho stvareńni było pryniataje Salihorskim rajvykankamam 29 červienia.
«Ahulnaja płošča zakaźnika — 5,3 tys. ha. «Na hetaj terytoryi było znojdziena kala 33 vidaŭ, uklučanych u Čyrvonuju knihu. A vyvučeńnie pravodziłasia letaś. Pavodle apošniaj infarmacyi, jakuju my atrymlivali ad Nacyjanalnaj akademii navuk, my ŭžo majem tam 51 vid čyrvonaknižnych raślin i žyvioł, jakija pavinny znachodzicca pad achovaj. Adznačajecca 38 vidaŭ hrup žyvioł, siarod ich takija redkija, jak bałotnaja čarapacha, tryton hrabienisty. Hetaja terytoryja taksama źmiaščaje dva pomniki pryrody — «Dubrava 1» i «Dubrava 2», — patłumačyŭ Andrej Kaminski.
Siarod inšaha, zakaźnik stvorany i dla taho, kab realizoŭvać turyscka-rekreacyjny patencyjał: «Ciapier razhladajem stvareńnie nie mienš čym čatyroch ekałahičnych ściežak, u tym liku viełasipiednych», — adznačyŭ načalnik inśpiekcyi.
