U toj ža čas namieśnik ministra abarony Kolin Kal skazaŭ, što Amieryka zrobić usio, kab u Kijeva było dastatkova bojeprypasaŭ dla ich.
Jon skazaŭ, što Vašynhton užo adpraviŭ Ukrainie 16 takich ustanovak, «što nasamreč davoli šmat».
«Heta nie tyja sistemy, jakich patrabujucca sotni dla dasiahnieńnia tych vynikaŭ, jakija jany demanstrujuć, — skazaŭ čynoŭnik. — Heta sistemy dakładnaha naviadzieńnia, jakija patrebnyja dla paražeńnia vyznačanych celaŭ, i ŭkraincy ich vykarystoŭvajuć mienavita takim čynam».
Čynoŭnik dadaŭ, što Vialikabrytanija adpraviła Kijevu jašče try M270 — sistemy, anałahičnyja HIMARS, ale ŭstalavanyja na husieničnych broniemašynach, a nie na kołavych hruzavikach. Akramia taho, try padobnyja sistemy daje Hiermanija.
«Naša acenka składajecca ŭ tym, što ŭkraincy ŭ davoli dobrym stanoviščy z punktu hledžańnia kolkaści hetych sistem, i ciapier dla nas pryjarytet — zabiaśpiečyć dla ich bieśpierapynny patok pastavak GMLRS [rakiet dla HIMARS]», — skazaŭ na zakančeńnie Kal.
