Razburanaje paśla rasijskaha napadu siało Byšaŭ pad Kijevam. Fota: Rodrigo Abd / AP
«Vyjaŭlena nie mienš za 18 miescaŭ filtracyi pa abodvuch bakach ukrainska-rasijskaj miažy», — skazała jana ŭ čaćvier.
Maskva, padobna, rychtavałasia da pracedur filtracyi jašče da pačatku ŭvarvańnia va Ukrainu, miarkuje vydańnie.
Ukraincy, jakija sprabujuć vyjechać z akupavanych rasijskimi vajskoŭcami haradoŭ, nie mohuć zrabić hetaha, nie prajšoŭšy praz praces, jaki nazyvajuć filtracyjaj. Usio, što zdajecca praviarajučym padazronym, moža pryvieści da źbićcia albo navat katavańniaŭ tokam, raspaviadajuć mirnyja žychary. Mnohich hvałtoŭna adpraŭlajuć u Rasiju.
Surazmoŭcy New York Times taksama raspaviadajuć pra dopyty, źbićcio i katavańni ŭ dačynieńni da ludziej, jak miarkujecca, źviazanych z uzbrojenymi siłami Ukrainy. Paśla «filtracyjnych łahieraŭ» ukraincaŭ nakiroŭvajuć u harady pa ŭsioj Rasii, u tym liku na Daloki Uschod, piša vydańnie.
«Rasijskija ŭłady, vierahodna, skłali śpisy ŭkrainskich cyvilnych asob, jakija, jak ličycca, pahražajuć rasijskamu kantrolu nad Ukrainaj, uklučajučy ŭsich, chto prytrymlivajecca praŭkrainskich pohladaŭ (palityčnyja dziejačy, aktyvisty, a taksama supracoŭniki słužbaŭ biaśpieki) dla zatrymańnia i filtracyi», — cytuje Ostryjen New York Times.
Ukrainskija ŭłady zajaŭlali, što kala 1,6 młn čałaviek byli hvałtoŭna pierasielenyja ŭ Rasiju. Hetyja ličby niemahčyma pravieryć, adznačaje vydańnie.
