Pra heta RIA «Naviny» zajaviŭ pryznačany akupacyjnymi rasijskimi vojskami namieśnik kiraŭnika administracyi rehijona Kirył Stramavusaŭ.
«Refierendum projdzie ŭ hetym hodzie. Płanujecca na vosień», — zajaviŭ Stremavusaŭ, adnak dakładnuju datu nie nazvaŭ.
«Paśla refierendumu my staniem paŭnavartasnym subjektam Rasijskaj Fiederacyi. Zastajecca zusim niašmat času, kab my adčuli siabie paŭnavartasnymi hramadzianami vialikaj krainy Rasii. My idziom pa šlachu Kryma», — zajaviŭ pradstaŭnik «novych uładaŭ» Chiersonskaj vobłaści.
Rasijskija vojski ŭvajšli ŭ Chierson 2 sakavika 2022 hoda. Chierson — adziny abłasny centr, jakija rasijskija vojski zdoleli akupavać. Miascovyja žychary nieadnarazova vychodzili na akcyi pratestu suprać rasijskaj akupacyi.
