U sud Hrodzienskaj vobłaści kryminalnaja sprava ŭ dačynieńni da Juryja Žukoŭskaha była nakiravanaja jašče 20 krasavika. Samoha mužčynu zaklučyli pad vartu. Da vyniasieńnia prysudu mieru ŭtrymańnia dla abvinavačanaha nie źmianiali, paviedamlaje «Viasna».

Spravu razhladaŭ sudździa Dźmitryj Bubienčyk.

Pavodle viersii abvinavačvańnia, u «destruktyŭnym telehram-kanale z červienia da kastryčnika 2020 hoda mužčyna raźmiaščaŭ publikacyi, u jakich padšturchoŭvaŭ da supraćpraŭnych dziejańniaŭ u dačynieńni da pradstaŭnikoŭ prakuratury, orhanaŭ unutranych spraŭ, dziaržaŭnaj biaśpieki, vajskoŭcaŭ, kiraŭnikoŭ i supracoŭnikaŭ administracyj haradoŭ, srodkaŭ masavaj infarmacyi».

Taksama ŭ vinu mužčynu staviać toje, što červieni-žniŭni 2020 hoda, taksama ŭ internecie, jon raźmiaščaŭ paviedamleńni, u jakich «zaklikaŭ da ŭdziełu ŭ masavych biesparadkach, jakija supravadžajucca hvałtam nad ludźmi, pahromami, padpałami, źniščeńniem administracyjnych budynkaŭ, papraŭčych ustanoŭ, a taksama da ŭdziełu ŭ hrupavych dziejańniach, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady».

Akramia hetaha, pavodle viersii abvinavačvańnia, taksama ŭ červieni-žniŭni 2020 hoda Juryj Žukoŭski pakinuŭ u internecie abraźlivyja kamientaryi na adras Łukašenki.

10 červienia 2022 hoda KDB Biełarusi ŭnios Juryja Žukoŭskaha ŭ śpis «asob, jakija majuć dačynieńnie da terarystyčnaj dziejnaści».

16 červienia pravaabaroncy daviedalisia pra vyniki sudovaha raźbiralnictva pa spravie Juryja Žukoŭskaha. Sud Hrodzienskaj vobłaści pryznaŭ mužčynu vinavatym u masavych biesparadkach (č. 1 art. 293 KK), hrubym parušeńni paradku (č. 1 art. 342 KK), raspalvańni varožaści (č. 1 art. 130 KK), abrazie Łukašenki (č. 1 art. 368 KK) i prysudziŭ jamu 8 hadoŭ kałonii ŭzmocnienaha režymu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?