«Sistema IRIS-T — adzinaje, za što ja padziakavaŭ i kancleru, i ŭradu za apošnija miesiacy. My pa joj pracavali ź pieršych dzion vajny. Hetaja sistema samaja krutaja ŭ śviecie. Jaje možna paraŭnać z amierykanskim Patriot. Heta hiermanski pradukt. Heta budzie zakupka ŭ niamieckaha vytvorcy patrebnaj nam zbroi, paramietry jakoj my vyznačyli. Vytvorčaść skončycca ŭ kancy leta. Zatym — navučańnie. Pastaŭka — u kastryčniku», — skazaŭ Mielnik.
Pa słovach pasła, pieršyja hrošy z 1 młrd jeŭra, zakładzienaha ŭ biudžet Minabarony Hiermanii na dapamohu Ukrainie, buduć vydatkavanyja mienavita na rakietnuju sistemu IRIS-T.
Doŭhija terminy pastaŭki ambasadar patłumačyŭ tym, što hetyja sistemy dla Ukrainy jašče vyrablajuć.
IRIS-T vykarystoŭvaje infračyrvonyja samanavodnyja rakiety. Pavodle charaktarystyk, hetaja sistema SPA zdolnaja abaraniać terytoryju pamieram prykładna z Kijeŭ.
Pa słovach Mielnika, na praciahu 3-4 hadoŭ Ukraina zmoža pastavić jaje vakoł haradoŭ i najbolš važnych abjektaŭ.
