Fota: KAS / podlaskie.kas.gov.pl
Supracoŭniki Padlašskaj mytna-padatkovaj słužby niepadalok ad polska-biełaruskaj miažy spynili dla pravierki dva aŭtamabili. Mašyny byli ź biełaruskimi rehistracyjnymi numarami. Padčas detalovaha ahladu aŭto vyśvietliłasia, što ŭ ich znachodzicca dziasiatak schovanak z kantrabandnymi cyharetami.
Fota: KAS / podlaskie.kas.gov.pl
U mašynie Opel, jakoj kiravaŭ 33-hadovy biełarus, kantrabandu schavali ŭ bahažniku, pad zadnimi siadzieńniami i ŭ tuneli ryčaha pieraklučeńnia pieradač.
42-hadovy kiroŭca Mercedes schavaŭ kantrabandnyja cyharety pad bampieram, u maślanym paddonie i kalektary ruchavika.
Usiaho ŭ dźviuch mašynach supracoŭniki Padlašskaj mytna-padatkovaj słužby znajšli amal 1000 pačkaŭ biełaruskich cyharet. U dačynieńni da kiroŭcaŭ raspačali kryminalnyja spravy. Tavar byŭ vyniaty, kantrabandystam pahražajuć vialikija štrafy.
