Fota: BBC Food

Fota: BBC Food

Kab pryhatavać kurynuju pikatu, vam spatrebicca:

  • toŭstaja łusta biełaha chleba vahoj kala 40 hramaŭ (lepiej uziać suchi),
  • 2 kurynyja hrudki biez skury i kostak, kožnaja ź ich vahoj kala 150 hramaŭ,
  • pałova drobna pasiečanaj cybuliny,
  • stałovaja łyžka aliŭkavaha aleju dla chlebnych krošak + jašče 2 stałovyja łyžki dla pikaty,
  • 25 hramaŭ ciortaha parmiezanu,
  • pałova drobna pasiečanaha zubka časnaku dla chlebnych krošak + adzin drobna pasiečany zubok dla pikaty,
  • 100 mililitraŭ hustych viarškoŭ (tłustaść nie mienš za 30%),
  • 2 stałovyja łyžki kansiervavanych kapiersaŭ (źlicie ź ich vadkaść),
  • pałova čajnaj łyžki soli,
  • pałova čajnaj łyžki sušanaha arehana,
  • čverć čajnaj łyžki sušanaha čabaru,
  • mołaty čorny pierac.
  1. Razahrejcie duchoŭku da 220 hradusaŭ.
  2. Pakładzicie chleb u błendar ci kuchonny kambajn i zdrabnicie jaho na kroški. Razahrejcie alej u haračaŭstojlivaj patelni i smažcie kroški 5 chvilin, ci pakul jany nie stanuć załatymi i chrumstkimi, pastajanna ich pamiešvajcie. Vysypcie kroški ŭ misku i źmiašajcie z syram, pałovaj zubka časnaku, pałovaj čajnaj łyžki soli, arehana, čabarom i vialikaj kolkaściu mołataha čornaha piercu. Adstaŭcie ŭbok.
  3. Viarnicie patelniu na ahoń i razahrejcie ŭ joj stałovuju łyžku aliŭkavaha aleju. Pasypcie kurycu sollu i piercam. Smažcie kurynyja hrudki pa dźvie chviliny na kožnym baku na siarednim ci vialikim ahni, pakul miasa nie nabudzie lohki karyčnievy koler, ale nie treba smažyć hrudki da hatoŭnaści. Pierakładzicie kurycu na talerku.
  4. Pamiaścicie ŭ patelniu reštu aleju i cybulu i smažcie 4-5 chvilin, ci pakul cybula nie pamiakčeje, pastajanna pieramiešvajcie. Dadajcie zubok časnaku i smažcie jašče chvilinu. Vylicie ŭ patelniu viarški, dadajcie 200 mililitraŭ vady i kapiersy i, pastajanna pamiešvajučy, daviadzicie da kipieńnia. Prypraŭcie sollu i čornym piercam. Viarnicie kurycu ŭ patelniu i pasypcie kroškami.
  5. Zapiakajcie kurycu ŭ duchoŭcy na praciahu 15 chvilin ci da hatoŭnaści.

«Našu Nivu» finansujuć jaje čytačy — padtrymać prosta

Čytajcie taksama:

Recept na vychodnyja: try stravy z avakada

Recept na vychadnyja: saltymboka — tradycyjnaja rymskaja strava

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?