Adzin z hazapravodaŭ u Vienhryi. Fota: Biernadet Saba / Reuters
Tym samym Vienhryja moža ŭnieści raskoł u adziny jeŭrapiejski front u rašučaści nie paddavacca rasijskamu hazavamu šantažu.
Pierad tym Uładzimir Pucin papiaredziŭ Jeŭropu, što Rasija skarocić pastaŭki hazu, kali za jaho nie buduć płacić rublami. Hetaja zajava była adkazam na zachodnija sankcyi za uvarvańnie va Ukrainu.
Ale Jeŭrapiejskaja kamisija zajaviła, što tyja, u kaho kantrakty patrabujuć apłaty ŭ jeŭra abo dalarach, pavinny prytrymlivacca hetaha. Bolšaść jeŭrapiejskich spažyŭcoŭ rasijskaha hazu taksama adchilili pucinskuju prapanovu, u suviazi z čym Maskva musiła šukać abchadnyja kampramisnyja schiemy.
A voś ministr zamiežnych spraŭ Vienhryi Pieter Sijarta raniej zajaviŭ, što ŭłady Jeŭrasajuza «nie hrajuć nijakaj roli» ŭ pahadnieńni ab pastaŭkach hazu z Rasijaj, jakoje hruntujecca na dvuchbakovym kantrakcie pamiž padraździaleńniami vienhierskaj dziaržaŭnaj kampanii MVM i «Hazprama».
Ciapier premjer-ministr Orban faktyčna paćvierdziŭ hetuju pazicyju. Abiacańnie nie dapuścić spynieńnia pastavak hazu ŭ krainu było adnym ź jaho pastułataŭ na parłamienckich vybarach, jakija partyja «Fides» vyjhrała ŭ minułuju niadzielu.
