Pavodle jaho źviestak, u studzieni prytułak u Litvie paprasili 8 biełarusaŭ, u lutym — 9, a ŭ sakaviku — 35.
«Značny rost, ale absalutnyja ličby nie takija vialikija, kab možna było kazać pra masavaje prybyćcio hramadzian Rasii i Biełarusi ŭ Litvu», — skazaŭ jon u intervju LRT. Pa słovach Lubajeva, bolšaść biełarusaŭ kaža, što biažyć ad režymu Alaksandra Łukašenki.
«Bolšaja častka biełarusaŭ dekłaruje, što biažyć ad režymu Łukašenki, ad represij, niekatoryja kažuć, što ŭdzielničajuć u dziejnaści apazicyi. Takich ludziej było niamała ŭ minułym i pazaminułym hodzie. (…)
Źjavilisia maładyja ludzi, jakija zajaŭlajuć, što biahuć ad prymusovaj mabilizacyi, pryzyvu ŭ vojska, bo nie chočuć udzielničać u rasijskaj vajskovaj ahresii suprać Ukrainy», — skazaŭ kiraŭnik SADM.