U hałoŭnaj naminacyi «CODA» abyšła takija karciny, jak «Biełfast» Kieneta Brany, «Nie hladzicie navierch» Adama Makieja, «Uładu sabaki» Džejn Kempijon, «Dziunu» Deni Vilniova, «Karala Ryčarda» Rejnalda Markusa Hryna, «Viestsajdskuju historyju» Styviena Śpiłbierha.
Usiaho film «CODA: dzicia hłuchich baćkoŭ» pieramoh u troch naminacyjach: «Najlepšy film», «Najlepšy adaptavany scenar», «Najlepšaja mužčynskaja rola druhoha płana» (Troj Kocur).
Siužet najlepšaha filma hoda razhortvajecca ŭ Hłostery, štat Masačusets, dzie žyvie siamja hłuchaniamych. I tolki 17-hadovaja dačka čuje i dapamahaje rodnym u biznesie — rybnaj łoŭli, pakul nie pačynaje zajmacca ŭ školnym chory i nie akazvajecca pierad składanymi vybaram pamiž siamjoj i prafiesijnaj maraj.
Inšyja niekatoryja «Oskary»:
— Najlepšaja režysiorskaja praca: Džejn Kempijon «Ułada sabaki».
— Najlepšy akcior: Uił Śmit — «Karol Ryčard» (za rolu Ryčarda Uiljamsa).
— Najlepšaja aktrysa: Džesika Čestejn — «Vočy Temi Fej».
— Najlepšy aryhinalny scenar: Kenet Brana — «Biełfast».
— Najlepšy animacyjny poŭnamietražny film: «Enkanta».
— Najlepšy animacyjny karotkamietražny film: Albierta Mjelha i Lea Sančez «Škłoačyščalnik».
— Najlepšy film na zamiežnaj movie: «Siadaj za rul majoj mašyny» (Japonija, Rusuke Chamahuci).
Najlepšaja muzyka da filma: Chans Cymier — «Dziuna».
Najlepšaja pieśnia da filma: No Time to Die — «Nie čas pamirać» — muzyka i słovy: Bili Ajliš i Finieas O'Koneł.
Film «Dziuna» pieramoh taksama ŭ takich naminacyjach, jak najlepšy mantaž, najlepšaja apieratarskaja praca», najlepšaja praca mastaka, najlepšyja vizualnyja efiekty, najlepšy huk.
Na «Oskary» nie abyšłosia biez skandałaŭ — akcior Uił Śmit udaryŭ viadučaha za niaŭdały žart pra jaho žonku
Komik Krys Rok paraŭnaŭ karotkuju pryčosku žonki Śmita z pryčoskaj hieraini Demi Mur u filmie «Sałdat Džejn», dzie taja była pabrytaj nahała. Paśla hetaha Śmit padniaŭsia sa svajho miesca i daŭ Roku aplavuchu. Jaho žonka pakutuje ad ałapiecyi — aŭtaimunnaha zachvorvańnia, jakoje viadzie da vypadzieńnia vałasoŭ.
Paźniej Uił Śmit jašče raz padniaŭsia na scenu, kab atrymać statuetku za najlepšuju mužčynskuju rolu. Jon paprasiŭ prabačeńnia i skazaŭ, što ŭ žyćci važna abaraniać svaju siamju, jak heta rabiŭ jahony piersanaž u filmie «Karol Ryčard». «Ale na hetaj pracy ty pavinien tryvać, kali ludzi niepavažliva kažuć pra ciabie, uśmichacca i kazać, što ŭsio dobra», — dadaŭ jon.
