Fota Radyjo Svaboda
Vysokapastaŭleny amierykanski čynoŭnik raspavioŭ pra situacyju va Ukrainie žurnalistam (razmova adbyvałasia na ŭmovach ananimnaści ŭ Varšavie). Pavodle jaho słoŭ, rasijskija vojski ŭ vakolicach Kijeva nie rychtujucca da šturmu ŭkrainskaj stalicy, paviedamlaje Bi-bi-si.
Jašče niekalki faktaŭ ź jaho vystupu:
— z pačatku vajny Rasija ažyćciaviła 1250 rakietnych zapuskaŭ;
— rasijskija vajennyja samaloty pačali lotać čaściej, ździajśniajučy da 300 vyletaŭ za dzień;
— amierykanskija ŭłady paćviardžajuć zajavy Ukrainy ab tym, što rasijski karabiel, jaki pieravoziŭ bronietechniku, byŭ źniščany ŭ porcie Biardzianska;
— bai za pasiołak Makaraŭ pad Kijevam praciahvajucca;
— rasijskija vojski nie prasunulisia ŭ nastupie na Charkaŭ;
— rasijskija vojski spynilisia za 15 kiłamietraŭ ad Mikałajeva, jany sprabujuć adrezać horad ad padtrymki;
— rasijskija vajskoŭcy zmahli prarvać abaronu Iziuma i prasunucca na poŭdzień Danbasa.
Raniej krynica ŭ Pientahonie paviedamlała, što ŭkrainskija vajskoŭcy mohuć viarnuć kantrol nad Chiersonam. Rasija zajaŭlała ab uziaćci Chiersona jašče na pačatku sakavika.
