«My źbirajemsia pačać humanitarnuju apieracyju z Hrecyjaj i Turcyjaj pa evakuacyi ŭsich, chto choča pakinuć Maryupal. U hetym horadzie z nasielnictvam bolš za 400 000 čałaviek jašče 150 000 žycharoŭ žyvuć u katastrafičnych umovach», — skazaŭ Makron.
Pavodle Makrona, byli abmierkavańni na hety kont z meram Maryupalu. «My robim heta prazrysta z prezidentam Zialenskim i ŭkrainskimi ŭładami. A potym budziem vieści pieramovy z rasijskim bokam. My rychtujemsia zrabić heta ŭ bližejšyja dni. U mianie budzie abmierkavańnie z Uładzimiram Pucinym časam 48 hadzin, kab udakładnić detali», — dadaŭ prezident Francyi.
Zialenski siońnia pravioŭ telefonnuju razmovu z hrečaskim premjeram «ab humanitarnaj situacyi ŭ zabłakavanych haradach i padziakavaŭ za dapamohu».
Siońnia stała viadoma, što ŭ Maryupali rasijskija vojski razburyli Dziciačy reabilitacyjny centr, pabudavany vosieńniu 2021 hoda sumiesna ź Jeŭrapiejskim inviestycyjnym bankam.
Maryupal pakinuli apošnija žurnalisty, jakija tam zastavalisia. Jany raskazali ŭ detalach toje, što bačyli na svaje vočy
U Maryupali sotni zahinułych lažać prosta kala budynkaŭ
Maryupal: jak Rasija ściraje ź ziamli samy prarasijski horad Ukrainy
