«Z bratam sazvońvalisia redka, bajalisia, kab jaho nie ciahali praź mianie»
«U 2016-2017 hadach ja baraniŭ Ukrainu ad rasijskaj ahresii. Atrymaŭ ranieńnie. Dobra viedaju ludziej, jakija ciapier tam — maich siabroŭ, pabracimaŭ, — kaža chłopiec. — Ja ź junactva trymaŭsia pazicyi, što palityka Łukašenki i Pucina nie vielmi dobra adabjecca na biełaruskim narodzie.
Paśla taho, što zdaryłasia va Ukrainie ŭ 2014 hodzie, hetaj pramoj pahrozy z boku Rasii, dumaju, kožnamu adekvatnamu biełarusu stała zrazumieła, što takoje budzie i z našaj krainaj, rana ci pozna.
Tamu ja vyrašyŭ jechać na ŭschod Ukrainy, kab dapamahać abaraniać ich terytaryjalnuju cełasnaść i niezaležnaść, i taksama, kab baranić Biełaruś u nastupnym. Usie biełarusy vajavali pad łozunham «Za našu i vašu svabodu».
Paśla hetaha Pavieł žyŭ va Ukrainie. Niejki čas słužyŭ u vojsku, paśla vučyŭsia ŭ Kijevie na masažysta i paralelna pracavaŭ, u asnoŭnym u achovie.
Z bratam jany bačylisia ŭ lutym 2020 hoda — Mikita pryjazdžaŭ da jaho.
Apošniaje sumiesnaje fota Paŭła i Mikity
«My sazvońvalisia redka, tamu što bajalisia, kab jaho nie ciahali praź mianie, za toje, što sa mnoj razmaŭlaje», — dzielicca Pavieł. Dadaje, što niahledziačy na adlehłaść, jany ź Mikitam byli blizkija.
Paśla taho, jak u žniŭni 2020-ha Mikitu znajšli paviešanym, kryminalnuju spravu tak i nie zaviali. SK zajaviŭ, što pryčynaj śmierci było samahubstva.
Žonka Mikity z dačkoj u vyniku źjechała ŭ Polšču. Ź vieraśnia 2021-ha u Varšavie žyvie i Pavieł.
«Źviarnulisia ŭžo sotni čałaviek»
Paśla napadu Rasii na Ukrainu mnohija biełarusy zamiežža zachacieli pajechać dobraachvotnikami va Ukrainu.
«Ale jany nie viedajuć, jak heta zrabić. I tamu ja vyrašyŭ adkryć hety centr, kab kaardynavać ludziej. Źbirajem taksama adzieńnie, ekipiroŭku — kab adpraŭlać tudy chłopcam, i kab chłopcy, jakija jeduć ciapier adsiul, nie byli «hołymi», — dzielicca Pavieł.
Da jaho źviarnulisia ŭžo sotni čałaviek. Heta nie tolki tyja, chto hatovy zapisacca ŭ terytaryjalnuju abaronu, ale i miedyki, jakija chočuć ratavać žyćci susiedziaŭ. U centry nie paśpiavajuć usim adkazvać.
Biełaruskija dobraachvotniki, Pavieł Kuchta ŭ centry. Fota: telehram-kanał Partyzan
Žorstkich kryteryjaŭ pry adbory dobraachvotnikaŭ niama.
«Hałoŭnaje — žadańnie. Kaniečnie, my pytajemsia ŭ ludziej, jaki ŭ ich vajskovy vopyt, ci ŭdzielničali ŭ vajennych apieracyjach, ci słužili ŭ armii i pa jakoj prafiesii.
Biełarusy, jakija chočuć vajavać, razumiejuć pramuju rasijskuju ahresiju i toje, što Łukašenka zdaŭ krainu i ŭciahvaje jaje ŭ hetuju vajnu. Razumiejuć taksama, što staŭleńnie da biełarusaŭ ciapier vielmi kiepskaje. Ich pačynajuć źnievažać — i ŭsio praz Łukašenku. Biełarusy chočuć adbialić svaju reputacyju pierad ukraincami».
U Paŭła nastroj rašučy. «Ukraina pieramoža — i kropka», — upeŭnieny jon.
Čytajcie taksama:
«Ukraincy žartujuć: nie chvalujciesia, zaraz vyzvalim siabie, pojdziem ratavać vas». Pahutaryli ź biełarusam, jaki zapisaŭsia ŭ terytaryjalnuju abaronu Ukrainy
Maci biełaruskaha sałdata: «My hatovyja navat jechać da jaho ŭ vajskovuju častku i stajać tam, kab kałonu nie puskać»
Jak pracujuć atrady terytaryjalnaj abarony Ukrainy — «Naša Niva» pahutaryła sa staršynioj terabarony Prykarpaćcia
