Murat Biektanaŭ. Fota: Minabarony Kazachstana
U dačynieńni da eks-ministra abarony Kazachstana Murata Biektanava pačali dasudovaje rasśledavańnie, paviedamlaje Hienprakuratura Kazachstana. Spravu raspačali 19 lutaha pa artykule ab biaździejnaści ŭłady (art. 452 KK Kazachstana), piša RBK.
20 lutaha Biektanava zatrymali i źmiaścili ŭ izalatar časovaha ŭtrymańnia. «Inšaja infarmacyja nie padlahaje razhałošańniu ŭ intaresach śledstva», — paviedamlaje Hienprakuratura.
Pakarańnie pa artykule ab biaździejnaści ŭłady pa kryminalnym kodeksie Kazachstana ŭ zaležnaści ad abstavin praduhledžvaje ad 3 da 20 hadoŭ pazbaŭleńnia voli.
***
Prezident Kazachstana Kasym-Žamart Takajeŭ adpraviŭ Biektanava ŭ adstaŭku miesiac tamu, 19 studzienia, paśla pratestaŭ u krainie, jakija pieraraśli ŭ biesparadki. Novym kiraŭnikom Minabarony byŭ pryznačany Rusłan Žaksyłykaŭ, jaki da hetaha momantu zajmaŭ pasadu namieśnika ministra ŭnutranych spraŭ i hałoŭnakamandujučaha Nacyjanalnaj hvardyi.
Kamientujučy adstaŭku Biektanava, Takajeŭ zajaviŭ, što toj «nie prajaviŭ kamandzirskich jakaściaŭ u krytyčnaj situacyi», z-za čaho krainie pryjšłosia prasić dapamohi za miažoj u krain ADKB.
Na jaho dumku, padčas studzieńskich padziej u krainie armija Kazachstana «z-za vielmi niaŭpeŭnienaha i biezynicyjatyŭnaha kiraŭnictva» nie zmahła vykanać svaje zadačy.