Fota: magri1 / depositphotos.com
Zhadvajecca, što raniej u Biełaruś užo nakiroŭvaŭsia zvarot nakont palitviaźniaŭ i situacyi ŭ krainie. U adkazie aficyjny Minsk nie pahadziŭsia z samim terminam «palitviazień». Łukašenka nieadnarazova zajaŭlaŭ, što, na jaho pohlad, palitźniavolenych u Biełarusi niama.
«My chočam być kryštalna čystymi. Pad «palityčnymi źniavolenymi» my majem na ŭvazie asob, jakija byli zatrymanyja abo źmieščanyja ŭ turmu pa palityčnych matyvach za mirnaje ažyćciaŭleńnie svaich pravoŭ čałavieka i asnoŭnych svabod, uklučajučy svabodu vykazvańnia mierkavańniaŭ, mirnych schodaŭ i asacyjacyj. Siudy ŭvachodziać vypadki, kali praciahłaść utrymańnia pad vartaj abo ŭmovy ŭtrymańnia pad vartaj vidavočna niepamiernyja»,
— havorycca ŭ sumiesnaj zajavie.
Krainy-udzielnicy ABSIE, jakija padpisali zvarot, z takoj pazicyjaj nie pahadžajucca i ŭ sumiesnaj zajavie tłumačać svaju pazicyju, zhadvajučy šerah viadomych biełaruskich palitviaźniaŭ (Viktara Babaryku, Maryju Kaleśnikavu, Alesia Bialackaha dy inšych).
Nił Buš zaklikaŭ ułady Biełarusi da poŭnaha vykanańnia mižnarodnych abaviazalnictvaŭ (u tym liku ŭ ramkach ABSIE) i da vykarystańnia miechanizmaŭ ABSIE dla vyrašeńnia palityčnaha kryzisu ŭ krainie.
