Raniej, u MARH zajaŭlali, što Google parušaje antymanapolnaje rehulavańnie. Havorka išła ab pieraŭstanoŭcy dadatkaŭ na smartfonach Android u Biełarusi. Heta «Jandieks» paskardziŭsia na Google viasnoj 2019 hoda.
Sutnaść pretenzij zaklučajecca ŭ tym, što kampanija Google prapanoŭvaje vytvorcam smartfonaŭ i płanšetaŭ pad kiravańniem OC Android prahramu Google Play dla pieradustanoŭki na ich pryłady tolki pry vykanańni nastupnych umoŭ:
pradustanoŭka sumiesna z kramaj dadatkaŭ Google Play kamplekta dadatkaŭ Google Mobile Services, u tym liku dadatki «Pošuk Google» (Google Search), internet-braŭzer Google Chrome, elektronnaja pošta ad Google (Gmail), karty Google (Google Maps), Youtube;
raźmiaščeńnie kamplekta dadatkaŭ Google Mobile Services na vyznačanych kampanijaj Google miescach na ekranach smartfonaŭ i płanšetaŭ;
nastrojka na smartfonach i płanšetach «Pošuku Google» (Google Search) i «Pamočnika Google» (Google Assistant) u jakaści dadatkaŭ «pa zmaŭčańni» ŭ abmien na ŭznaharodu ad kampanii Google LLC;
vykanańnie zabarony (u tym liku ŭ abmien na ŭznaharodžańnie ad kampanii Google) na pradustanoŭku i (abo) raźmiaščeńnie na peŭnych miescach na ekranie smartfonaŭ abo płanšetaŭ dadatkaŭ, raspracavanych inšymi ŭdzielnikami rynku.
Heta, pa mierkavańni Ministerstva, abmiažoŭvaje mahčymaści inšych udzielnikaŭ rynku. U MARH ličać, što takaja praktyka moža pryvieści da skaračeńnia kolkaści raspracoŭščykaŭ mabilnych dadatkaŭ.
Na bazie Akademii navuk stvorać «IT-hrad Akademičny». Čym jon adroźnivajecca ad PVT?
Amierykanski Pinterest kupiŭ biełaruski startap Vochi
