TASS
Sud paŭtorna razhledzieŭ spravu Dźmitryjeva pa abvinavačvańni ŭ raspusnych dziejańniach seksualnaha charaktaru ŭ dačynieńni da jaho niepaŭnaletniaj pryjomnaj dački, vyrabie dziciačaj parnahrafii i zachoŭvańni častki ahniastrelnaj zbroi, piša meduza.io.
U śniežni 2016 hoda Juryja Dźmitryjeva abvinavacili ŭ vyrabie parnahrafii z udziełam jaho niepaŭnaletniaj pryjomnaj dački i raspusnych dziejańniach u dačynieńni da jaje, a taksama ŭ niezakonnym zachoŭvańni častki ahniastrelnaj zbroi. U krasaviku 2018 hoda sud apraŭdaŭ historyka pa dvuch abvinavačvańniach, pryznačyŭšy jamu dva z pałovaj hady abmiežavańnia voli pa artykule ab zachoŭvańni zbroi, ale zatym Viarchoŭny sud Karelii admianiŭ hety prysud.
U červieni 2018 hoda ŭ dačynieńni da Dźmitryjeva raspačali jašče adnu spravu — ab hvałtoŭnych dziejańniach seksualnaha charaktaru ŭ dačynieńni da pryjomnaj dački. Pa hetaj spravie ŭ lipieni 2020 hoda historyk atrymaŭ try z pałovaj hady kałonii strohaha režymu. Pry hetym sud apraŭdaŭ Dźmitryjeva pa abvinavačvańni ŭ vyrabie dziciačaj parnahrafii, raspusnych dziejańniach i zachoŭvańni častki ahniastrelnaj zbroi.
U vieraśni 2020 hoda Viarchoŭny sud Karelii admianiŭ apraŭdalny prysud pa troch zhadanych artykułach, dasłaŭšy spravu na novy razhlad. Tady ž sud pavialičyŭ z 3,5 da 13 hadoŭ termin, pryznačany pa artykule ab hvałtoŭnych dziejańniach seksualnaha charaktaru.
