U dakumiencie havorycca, što ŭsie navučency, jakija pastupili ŭ licej, zmohuć u im davučycca, a voś pryjom u 2022 hodzie dla navučańnia ŭ licei №2 pravodzicca nie budzie.
Nahadajem, na pačatku śniežnia «Naša Niva» pisała pra toje, što baćki i nastaŭniki niekalkich staličnych licejaŭ bjuć tryvohu: niadaŭna im nieaficyjna abviaścili, što novych naboraŭ u licei bolš nie budzie, bo chutka ich zakryjuć. Infarmacyja paćvierdziłasia: Licej №1 i Licej №2 u Minsku sapraŭdy zakryvajuć. Ale tady pra heta nie było nijakich aficyjnych papier. Ciapier jany źjavilisia.
13 śniežnia stała viadoma, što Ihar Karpienka bolš nie ministr adukacyi. Ale padobna na toje, što jaho namier začynić niekalki staličnych licejaŭ čynoŭniki ŭsio ž vyrašyli realizavać.