Pasoł FRH va Ukrainie Anka Fieldchuzien ličyć małavierahodnaj bujnamaštabnuju vajennuju apieracyju Rasii suprać Ukrainy. «Vyraznyja słovy jeŭrapiejskich palitykaŭ i svoječasovaja kaardynacyja pasłali pravilnyja sihnały ŭ napramku Maskvy. Za apošnija tydni my taksama nie bačym značnaha naroščvańnia vojskaŭ na miažy Rasii z Ukrainaj. Tamu ja liču małavierahodnaj mahčymaść maštabnaha napadu z boku Rasii», — napisała Fieldchuzien u apublikavanym u čaćvier elektronnym pasłańni hramadzianam Niamieččyny, jakija pražyvajuć va Ukrainie.
Niamiecki pasoł u toj ža čas padkreśliła, što hetak ža, jak i partniory, jana z usioj surjoznaściu stavicca da dziejańniaŭ Rasii.
«U hetaj situacyi važna prajaŭlać spakoj, razvažlivaść i pilnaść», — skazała jana, adznačyŭšy, što mienavita heta i demanstruje fiederalny ŭrad.
Užo na praciahu mnohich tydniaŭ uzmacniajucca aściarohi z nahody taho, što Rasisia, mahčyma, rychtujecca da ŭvarvańnia na terytoryju Ukrainy. ES i NATA pryhrazili Maskvie samymi žorstkimi sankcyjami na taki vypadak. Rasija źniapraŭdžvaje abvinavačvańni ŭ padrychtoŭcy da vajny i sa svajho boku abvinavačvaje Zachad va ŭzbrajeńni Ukrainy i praviadzieńni manieŭraŭ kala rasijskich miežaŭ.
Hienieralny sakratar NATO zaklikaŭ Rasiju advieści vojski ad miažy z Ukrainaj
Rasija vystaviła ŭmovy NATO i ZŠA pa harantyjach biaśpieki
Barel pra imavierny kanflikt z Rasijaj: ES zojmie bok Ukrainy ŭ lubym vypadku
