Jaŭhien sa svaimi hadavankami. Fota: Maksim Malinoŭski / onliner.by
Kali spravu tolki pačynali, jalinak pasadzili cełuju tysiaču i dumali rabić usio tradycyjna: jak nastanie para, prosta śsiakać dreŭcy i pradavać ich. Ale kali jalinki padraśli, stała škada. I tady pryjšła novaja ideja: čamu b nie pradavać ich u harškach, kab dreŭca nie marnavałasia, a praciahvała žyćcio i paśla zakančeńnia śviataŭ? Prydumali zdavać jalinki ŭ arendu na niejki termin, a paśla zabirać nazad.
Ideja akazałasia na dziva ŭdałaj: popyt byŭ nastolki vysoki, što pieršapačatkovuju canu ŭ 10 rubloŭ nieŭzabavie stała mahčyma pavialičyć da 25. Prytym nie daviałosia navat nadta ŭkładacca ŭ rekłamu — chapiła adnaho pasta Danuty ŭ Instagram, paśla ŭsie zrabili jaho reposty.
«Kali paśla śviataŭ vyžyli choć by 50% jalinak u kadkach, — heta ŭžo dobra»
Jak i ŭ luby inšy biznes, hety maje svaje niuansy. Daloka nie ŭsie dreŭcy, źmieščanyja ŭ kadki, vyžyvajuć. Jak kaža Danuta, «kali paśla śviataŭ vyžyli choć by 50% jalinak u kadkach, — heta ŭžo dobra». Adbyvajecca tak pa roznych pryčynach: i z-za paškodžańnia karanioŭ pry vykopvańni, i z-za niapravilnaha ŭtrymańnia dy dohladu.
Danuta. Fota: Maksim Malinoŭski / onliner.by
Ale ŭ Jaŭhiena i Danuty vyžyvalnaść dreŭcaŭ davoli vysokaja: jany namahajucca stavicca da ich maksimalna aščadna. Da taho ž arhanizavali dadatkovuju pasłuhu — «chutkuju dapamohu» dla prablemnych jalinak, na jakuju prymajucca nie tolki svaje, ale i čužyja dreŭcy.
Jašče adna pasłuha, jakaja karystajecca popytam u hrodziencaŭ, — pryvoz jalinki ŭ siamju nie prostym kurjeram, a Dziedam Marozam, u roli jakoha vystupaje sam Jaŭhien. Bačyć pry hetym dziciačuju radaść — vialiki kajf.
Sioleta jalinki ŭ arendu kaštujuć u Jaŭhiena z Danutaj pa 40-60 rubloŭ u Hrodnie i pa 70-90 u Minsku. Pašyreńnie biznesu na stalicu — adno sa śviedčańniaŭ taho, što jon paśpiachovy.
«Chitom budzie bčb-šot». Viadomy viciebski biznesoviec adkryŭ art-pab u Kijevie
U Hrodnie mama i dačka stali kiroŭcami haradskich maršrutak: na novaj pracy zarablajuć bolš, a stamlajucca mienš
