1 žniŭnia ministr adukacyi Ihar Karpienka raspavioŭ ab płanach pryjomu ŭ biełaruskija VNU ŭ 2021 hodzie: «Ustupnaja kampanija idzie svaim paradkam. Zaličeńnie na biudžet zavieršycca 5 žniŭnia, a na płatnuju formu navučańnia — 11 žniŭnia. Ahulny płan pryjomu va ŭstanovy vyšejšaj adukacyi składaje kala 55 tysiač čałaviek, ź jakich kala 29 tysiač čałaviek nabiaruć na biudžetnaje navučańnie».
Pra realny ž nabor 20 žniŭnia raskazała kansultant upraŭleńnia vyšejšaj adukacyi Ministerstva adukacyi Rema Hierłoŭskaja:
«U hetym hodzie praktyčna tracina VNU albo adnaviła pryjom pa śpiecyjalnaściach, albo adkryła novyja. Heta było zapatrabavana ŭ abituryjentaŭ. Kali kazać pra ličby, to bolš za 26,5 tysiač studentaŭ pryniali za košt srodkaŭ biudžetu i bolš za 22 tysiačy — na płatnaj asnovie. U ahulnaj sumie my majem bolš za 48 tysiač pryniatych abituryjentaŭ».
Takim čynam, ahulny niedabor u VNU, u paraŭnańni z płanam, skłaŭ kala 7 tysiač studentaŭ, a niedabor na biudžetnuju formu navučańnia — kala 2,5 tysiač.
Za 5 hadoŭ dadatkovy nabor ŭ biełaruskija VNU vyras u 42 razy. Kali ŭ 2017 hodzie dadatkovy nabor u vyšejšyja navučalnyja ŭstanovy Biełarusi ažyćciaŭlaŭsia ŭ dačynieńni da 23 čałaviek, to ŭ 2021 hodzie vakantnymi akazalisia 974 miescy.