U piersanalny śpis trapiŭ rasijski aliharch Michaił Huceryjeŭ, blizki da Alaksandra Łukašenki. Da taho Hucaryjeŭ patrapiŭ pad sankcyi ES.
Brytanskija sankcyi zabaraniajuć kuplu biełaruskich kaštoŭnych papier i pradastaŭleńnie kredytaŭ. Taksama ŭviedzienyja sankcyi suprać biełaruskaha kaliju i naftapraduktaŭ.
Pra abviaščeńnie novych sankcyj stała viadoma padčas pres-kanfierencyi Łukašenki. Žurnalistka BBC paprasiła jaho prakamientavać situacyju, akcentujučy ŭvahu, što brytanskija ŭłady pajšli na heta ŭ suviazi z falsifikacyjaj vybaraŭ i tym, što za kratami apynułasia 610 palitviaźniaŭ.
Reakcyja Łukašenki była niervovaja. Jon pradkazalna zajaviŭ, što BBC zajmajecca prapahandaj, a Zachad finansuje biesparadki ŭ Biełarusi. Na pytańnie pra lehitymnaść Łukašenka navat nie zachacieŭ adkazvać.
