Pavodle jaje infarmacyi, leki dla Andreja pryniali ŭ SIZA Žodzina, adnak potym nie pieradali niepasredna Pačobutu. U jaho chvoraje serca, źbivajecca rytm.
Troch palitźniavolenych ź niezarehistravanaha biełaruskimi ŭładami Sajuzu palakaŭ Biełarusi — Irenu Biarnackuju, Maryju Ciškoŭskuju i Hannu Panišavu — vyvieźli ŭ Polšču ź SIZA. Jany nia majuć prava viarnucca ŭ Biełaruś.
Viadoma, što vyzvaleńnie ŭzamien na departacyju z krainy prapanoŭvali taksama Andreju Pačobutu i staršyni niezarehistravanaha SPB Anžalicy Borys, ale jany admovilisia.
«Sprava palakaŭ»
10 sakavika siłaviki zaviali kryminalnuju spravu za praviadzieńnie imprezy ŭ polskaj sacyjalnaj škole skaŭtaŭ imia Ramualda Traŭhuta ŭ Bieraści. Tady zatrymali suzasnavalnika škoły, 43-hadovaha bieraściejca, i dyrektarku Hannu Panišavu. Paźniej stała viadoma ab pieratrusach u Lidzie, Vaŭkavysku i zatrymańniach Ireny Biarnackaj i Maryny Ciškoŭskaj.
23 sakavika ŭ Horadni zatrymali Anžaliku Borys, a jašče praz dva dni — Andreja Pačobuta.
Usich aryštavanych u «Polskaj spravie» pravaabaroncy pryznali palityčnymi źniavolenymi. Sankcyja kryminalnaha artykuła praduhledžvaje ad 5 da 12 hadoŭ pazbaŭleńnia voli.
