Dyplamat abskardžvaŭ farmuloŭku, ź jakoj byŭ zvolnieny ź viedamstva. Praces pa hetaj spravie pačaŭsia 23 śniežnia ŭ sudzie Leninskaha rajonu, spravu razhladała sudździa Volha Šodar. Pradstaŭniki MZS na praces nie pryjšli. Sam Uładzimier Astapienka, jaki ź siamjoj ciapier znachodzicca ŭ Varšavie, praz svajho advakata padavaŭ chadajnictva ab udziele ŭ pracesie praz kanferenc-suviaź. Adnak sudździa jaho adchiliła na padstavie «niemahčymaści techničnaj arhanizacyi» hetaha, piša Radyjo Svaboda.
Sudździa Volha Šodar taksama adchiliła bolšaść chadajnictvaŭ, padadzienych advakatam dyplamata Siarhiejem Zikrackim. A 24 śniežnia vyniesła rašeńnie, zhodna ź jakim pretenzii Ŭładzimiera Astapienki da MZS Biełarusi pryznanyja nieabhruntavanymi.
Čytajcie taksam:
U Minsku pačaŭsia sud pa pazovie byłoha pasła Astapienki da MZS
Taksama 21 śniežnia stała viadoma, što suprać samoha Ŭładzimiera Astapienki kryminalnuju spravu zaviała Hienprakuratura. Jaho abvinavačvajuć u kradziažy 2393 dalaraŭ praz złoŭžyvańnie słužbovym stanoviščam.
Sam dyplamat nastojvaje, što hetyja hrošy vykarystaŭ na viartańnie z Arhientyny razam ź siamjoj i bahažom. I navat zekanomiŭ srodki ambasady, bo prylacieŭ nia ŭ Miensk, a ŭ Varšavu, što abyšłosia tańniej. Ab pracesualnych dziejańniach pa hetaj spravie pakul ničoha nieviadoma.