U Niderłandach, Danii i Aŭstralii znojdzieny novy štam karanavirusa — toj ža, što raniej znajšli ŭ Vialikabrytanii. Pra heta paviedamiła Suśvietnaja arhanizacyja achovy zdaroŭja (SAAZ), piša «Bi-bi-si».
Śpiecyjalisty nahadali, što novy typ karanavirusa raspaŭsiudžvajecca chutčej, čym užo viadomy, adnak kazać pra jaho bolšuju niebiaśpieku pakul nielha.
Akramia taho, niama nijakich dokazaŭ taho, što mutacyja virusa pa-inšamu reahuje na vakcynu.
Urad Niderłandaŭ zajaviŭ, što ŭ najbližejšyja dni pačnie pracu ź inšymi krainami-členami Jeŭrasajuza dla vyvučeńnia mahčymaha raspaŭsiudžvańnia novaha štamu. Akramia taho, kraina zakryła avijazłučeńnie ź Vialikabrytanijaj da 1 studzienia.
0
0
0
0
0
0
