Fota Tut.by
20 śniežnia Volha Chižynkova vyjšła na volu paśla 42 sutak. Jana była zatrymanaja jašče 8 listapada, jaje sudzili pa troch epizodach jaje ŭdziełu ŭ niesankcyjanavanych masavych mierapryjemstvach. Adrazu paśla vyzvaleńnia ź joj parazmaŭlała žurnalist Tut.by Alaksandra Kvitkievič, jakaja raniej praviała ź joj 10 dzion u adnoj kamiery i raspaviała pra žudasnyja ŭmovy jaje ŭtrymańnia.
— Raskažy, jak ty siabie adčuvaješ?
— Dobra, ciapier vielmi dobra, ja siarod maich siabroŭ. Ja nie padazravała, što ŭ mianie ich tak šmat (śmiajecca).
— Jak prajšli apošnija try tydni?
— Ja znachodziłasia ŭ kamiery ź dziaŭčynkami, jakija siadzieli pa maim artykule, paśla tvajho sychodu da nas padsialili rasijanku, jakuju sudzili za storyz u Instagram. Joj dali 15 sutak (havorka pra rasijanku, jakaja dzialiłasia videa ab siłavikach u Instagram). Tydzień tamu ŭ nas u kamiery adklučyli aciapleńnie, a ŭ kamiery ŭ nas uvieś čas dźmuła z akna. Nam papravili kran i ŭnitaz, a potym zabrali matracy, ničym heta nie patłumačyŭšy.
My spali na padłozie, my słali na jaje koŭdry i zachutvalisia ŭ vopratku. Na mnie było dźvie majki, dva holfy, try bajki — usio, što było. U adnoj žančyny z-za hetaha pačaŭsia cystyt.
— Jak tabie patłumačyli tvoj raptoŭny pieravod u Žodzina (Nahadajem, Volha praktyčna ŭvieś termin znachodziłasia na Akreścina, a za paru dzion da vyzvaleńnia jaje pryvieźli ŭ Žodzina)?
— Nijak, prosta pieravieźli. U paraŭnańni z Akreścina Žodzina mianie pryjemna ździviła. Zrazumieła, što na dvuch hetych abjektach adnolkava strohija praviły, roźnica tolki ŭ tym, što kali ŭ Žodzinie ty nie budzieš ich parušać, ciabie nie buduć tuzać, kryŭdzić.
— Nie źbiraješsia źjazdžać z krainy?
— Ja nie chaču. Ja chaču tut žyć, u mianie tut šmat siabroŭ, ja navat nie ŭjaŭlała, nakolki šmat. Ja navat nie dumaju pra heta, ja lublu svaju krainu, chaču tut žyć i pracavać.
