Viciebsk vyjšaŭ na pik zachvorvańnia na karanavirusnuju infiekcyju. Kolkaść pacyjentaŭ ź pnieŭmanijami trymajecca na adnym uzroŭni ŭžo kala dvuch tydniaŭ. Pra heta telekanału «Viciebsk» paviedamiŭ kiraŭnik abłasnoha kamiteta achovy zdaroŭja Michaił Višniaviecki, piša Tut.by.
Rost zachvorvańnia na COVID-19 u Viciebsku spyniŭsia kala dvuch tydniaŭ tamu. U suviazi z hetym u balnicach horada znoŭ pieramieny. Z nastupnaha tydnia pacyjentaŭ z karanavirusam pačnie prymać «Afhanski centr». Ciapier tam zajmajucca tolki dalečvańniem takich chvorych. Idzie mantaž sistemy chutkaha razhortvańnia kisłarodu na 30 kropak — takich u Biełarusi niama nidzie.
Sanatoryj «Žalaźniaki» abłasnoha kardyjadyspansiera taksama dalečvaje «kavidnych» chvorych, a praź niekalki dzion piarojdzie na reabilitacyju tych, chto pieranios virus. Dalečvańniem zojmiecca i Babinickaja ŭčastkovaja balnica.
Na nastupnym tydni da zvyčajnaj pracy vierniecca chirurhičny korpus abłasnoha ankadyspansiera, miesiac tamu pieraprafilavany pad lačeńnie karanavirusa.
Pavodle acenak miedykaŭ, druhaja chvala karanavirusa bolš intensiŭnaja. Situacyja ŭ rehijonach nie takaja aptymistyčnaja, jak u Viciebsku — asabliva ŭ Lepielskim i Hłybockim rajonach.
— U hetuju chvalu ciažkich chvorych bolš. Pry nieabchodnaści takich pacyjentaŭ z rehijonaŭ zabirajem u abłasnyja kliniki, va ŭstanovy ŭ Oršy, Połacku, Navapołacku. Usie balnicy zabiaśpiečany lekami, kisłarodam, aparatami ŠVŁ, — zapeŭnivaje Michaił Višniaviecki.
Ciapier u vobłaści pracujuć 8 łabaratoryj, dzie robiać PŁR-daśledavańni.
Epidsituacyja pa-raniejšamu zastajecca składanaj. Miedyki rekamiendujuć nie zabyvać pra maski, antysieptyki i sacyjalnuju dystancyju.
