Kanada lidziruje siarod krain śvietu pa kolkaści zamoŭlenaj vakcyny ad karanavirusa. Pra heta paviedamlaje Bloomberg sa spasyłkaj na źviestki ŭłasnaha trekiera pastavak vakcyny, zasnavanaha na adkrytych źviestkach.
U Kanady majucca damoŭlenaści na pastaŭki vakcyny dla pryščepki 153,9 miljona čałaviek (410% nasielnictva krainy). Na druhim miescy pa kolkaści zamoŭlenaj vakcyny Vialikabrytanija (moža pryščapić 295% svajho nasielnictva). Na trecim — Aŭstralija (moža pryščapić 269% nasielnictva).
Usie krainy ES, u tym liku susiedzi Biełarusi, zamovili pavodle Bloomberg, vakcyny na 185-186% nasielnictva.
U Kanadzie buduć vykarystoŭvać vakcyny roznych vytvorcaŭ, u pryvatnaści, ad kampanij Moderna i Pfizer / BioNTech. Vakcynacyja moža pačacca ŭžo na nastupnym tydni, zajaviŭ 7 śniežnia premjer-ministr Kanady Džaścin Trudo.
Pavodle źviestak Bloomberg, u Rasii jość damoŭlenaści na pastaŭki vakcyny dla pryščepki 80 miljonaŭ čałaviek (55% nasielnictva krainy). Pa Biełarusi źviestak pakul niama.
