Канада лідзіруе сярод краін свету па колькасці замоўленай вакцыны ад каранавіруса. Пра гэта паведамляе Bloomberg са спасылкай на звесткі ўласнага трэкера паставак вакцыны, заснаванага на адкрытых звестках.
У Канады маюцца дамоўленасці на пастаўкі вакцыны для прышчэпкі 153,9 мільёна чалавек (410% насельніцтва краіны). На другім месцы па колькасці замоўленай вакцыны Вялікабрытанія (можа прышчапіць 295% свайго насельніцтва). На трэцім — Аўстралія (можа прышчапіць 269% насельніцтва).
Усе краіны ЕС, у тым ліку суседзі Беларусі, замовілі паводле Bloomberg, вакцыны на 185-186% насельніцтва.
У Канадзе будуць выкарыстоўваць вакцыны розных вытворцаў, у прыватнасці, ад кампаній Moderna і Pfizer / BioNTech. Вакцынацыя можа пачацца ўжо на наступным тыдні, заявіў 7 снежня прэм'ер-міністр Канады Джасцін Трудо.
Паводле звестак Bloomberg, у Расіі ёсць дамоўленасці на пастаўкі вакцыны для прышчэпкі 80 мільёнаў чалавек (55% насельніцтва краіны). Па Беларусі звестак пакуль няма.