Kala 11:00 u Biełarusi ŭźnikli prablemy z dostupam da telehrama.
Niemahčyma padklučycca da miesiendžara abo adpravić ci pryniać paviedamleńnie. Prablema vyrašajecca, kali ŭklučyć proksi-siervier abo VPN. U bolšaści vypadkaŭ havorka idzie ab internecie ad «Biełtelekama» — jak drotavym, tak i Wi-Fi.
Pavodle servisu Downdetector, u našaj krainie sapraŭdy zafiksavany zboj.
Takoje ž nazirałasia 9—12 žniŭnia.
Abyści błakavańnie dapamahajuć proksi-sierviery. Miesiendžar taksama adkryvajecca z dapamohaj VPN-klijentaŭ. U žniŭni tysiačam biełarusaŭ dapamoh dadatak Psiphon.
Kab paskoryć pracu Telehrama: isnuje kanał z proksi
t.me/ProxyMTProto
Zachodzim, vybirajem u śpisie siervier (abo niekalki), u jakich port 443 (pažadana) i naciskajem knopku Connect.
Telehram pačnie pracavać paŭnavartasna, z zahruzkaj miedyjafajłaŭ. Taksama źjavicca značok sa ščytom uviersie, a kali na jaho nacisnuć — možna ŭbačyć stan proksi-siervieraŭ. Vybirać treba toj, dzie mienšy pinh. Čym mienšy pinh, tym chutčej pracuje toj ci inšy proksi.