Skrynšot ź videa UDAI HUUS Minharvykankama.
U Minsku maršrutka źbiła žančynu na piešachodnym pierachodzie. Pra heta BiełTA paviedamili va UDAI HUUS Minharvykankama.
DTZ adbyłosia ŭviečary 4 śniežnia. «Pavodle papiaredniaj infarmacyi, kiroŭca maršrutnaha taksi «Mersedes», ruchajučysia pa vulicy Łandera ŭ napramku vulicy Kazinca, ździejśniŭ najezd na piešachoda. Žančyna pierasiakała prajeznuju častku pa nierehulavanym piešachodnym pierachodzie sprava naleva pa chadzie ruchu aŭtamabila. U vyniku DTZ jana z traŭmami była dastaŭlenaja ŭ miedycynskuju ŭstanovu», — raspaviali ŭ DAI.
Dziaržaŭtainśpiekcyja nahadvaje, što pry padjeździe da nierehulavanaha piešachodnaha pierachoda kiroŭca pavinien ruchacca z chutkaściu, jakaja dazvolić pry nieabchodnaści sastupić darohu piešachodam. Piešym udzielnikam darožnaha ruchu, u svaju čarhu, u ciomny čas sutak varta karystacca śviatłoadbiŭnymi elemientami.