Pra heta infarmuje Minzdaroŭja ŭ svaim telehram-kanale.
«U suviazi z epidemijałahičnaj situacyjaj pa zachvorvańni na karanavirusnuju infiekcyju, a taksama ŭ metach svoječasovaha akazańnia kvalifikavanaj miedycynskaj dapamohi pacyjentam ź infiekcyjaj COVID-19 i asobam, kantaktnym ź imi, kamitetam pa achovie zdaroŭja Minharvykankama padrychtavany zahad ad 3 śniežnia №632 «Ab spynieńni akazańnia płanavaj miedycynskaj dapamohi ŭ haradskich paliklinikach»,
u adpaviednaści ź jakim z 4 śniežnia spyniena akazańnie płanavaj miedycynskaj dapamohi pacyjentaŭ u ambułatorna-palikliničnych ustanovach», — havorycca ŭ paviedamleńni.
Taksama ŭniesieny časovyja źmieny ŭ režym pracy haradskich paliklinik i zabiaśpiečany pryjom vykliku doktara na dom da 18:00.
«Zadziejničanyja dla akazańnia miedycynskaj dapamohi pacyjentam z prykmietami reśpiratornaj infiekcyi i tempieraturnym pacyjentam na pryjomie ŭ paliklinicy i doma ŭ kantaktnych bryhadach, a taksama dla pracy ŭ kantaktnych centrach daktary-śpiecyjalisty (nieŭrołahi, reabilitołahi, fizijaterapieŭty, endakrynołahi i inšyja daktary-śpiecyjalisty);
u haradskich paliklinikach zabiaśpiečana akazańnie ekstrannaj traŭmatołaha-chirurhičnaj dapamohi pacyjentam.
Akramia hetaha, arhanizavanaja poŭnaja zaniataść studentaŭ BDMU, nakiravanych u palikliniki na pieryjad ŭzdymu zachvorvańnia na karanavirusnuju infiekcyju.
Na miedyka-sacyjalnuju ekśpiertyzu buduć nakiroŭvacca pacyjenty ŭ pieryjadzie časovaj niepracazdolnaści i asoby pracazdolnaha ŭzrostu pry najaŭnaści prykmiet invalidnaści;
️Dyspansiernaje nazirańnie pa ciažarnaści arhanizujecca ŭ haradskich paliklinikach sa skaračeńniem naviedvańniaŭ pacyjentami žanočych kansultacyj z ulikam indyvidualnych faktaraŭ ryzyki pa pierynatalnym i matčynym uskładnieńniach (uniesieny karekciroŭki ŭ płany viadzieńnia ciažarnaści).
Arhanizavana rabota škoł pa padrychtoŭcy da ciažarnaści i rodach u anłajn-farmacie.
