Padman pracavaŭ pa kłasičnaj schiemie, pra historyi paviedamlaje mogilevnews.by.
Spačatku ŭ milicyju źviarnułasia 21-hadovaja dziaŭčyna. Jana raspaviała, što dała ŭ doŭh znajomamu tolki nahladna chłopcu 680 rubloŭ, a toj ich nie viarnuŭ. Chłopiec raspavioŭ joj ab svaim biadotnym materyjalnym stanoviščy, zapeŭnivaŭ, što płanuje adkryć ułasnuju spravu. Jana pavieryła i dała hrošy. Bolš jana chłopca nie bačyła.
Praz sutki ŭ milicyju pastupiła jašče adna zajava. 22-hadovaja dziaŭčyna raspaviała, što hety ž chłopiec paprasiŭ aformić na siabie kredyt na nabyćcio mabilnaha telefona. Dziaŭčyna pavieryła i ŭziała na siabie telefon koštam 1000 rubloŭ. Novieńki telefon jana addała znajomamu, jaki abiacaŭ spraŭna płacić kredyt, ale chutka źnik. Akramia kredytu, jana dała ŭ doŭh 540 rubloŭ. Hetyja hrošy mužčyna taksama nie śpiašaŭsia viartać.
Padmanuŭ chłopiec i 19-hadovuju studentku. Dziaŭčyna paznajomiłasia ź im u sacyjalnych sietkach, uźnikła simpatyja.
Kali novy pryjaciel paskardziŭsia na toje, što z-za adsutnaści pracy nie moža nabyć sabie mabilny telefon, mahilaŭčanka z radaściu pahadziłasia jamu dapamahčy. Jany naviedali kramu, dzie na dziaŭčynu byŭ aformleny kredytny dahavor na telefon na 1447 rubloŭ. Paśla hetaha chłopiec pierastaŭ ź joj bačycca.
Zaviali kryminalnuju spravu.
