Biełaruś hłyboka zaniepakojenaja rezkaj eskałacyjaj abstanoŭki i aktyŭnymi bajavymi dziejańniami z užyvańniem ciažkich vidaŭ uzbrajeńniaŭ i avijacyi ŭ zonie nahorna-karabachskaha kanfliktu. Pra heta havorycca ŭ zajavie MZS Biełarusi ŭ suviazi z abvastreńniem situacyi ŭ zonie kanfliktu, apublikavanaj na sajcie viedamstva.
«Nie tolki zaklikajem, ale i ščyra prosim abodvuch važnych dla nas partnioraŭ — Azierbajdžan i Armieniju — spynić bajavyja dziejańni, admovicca ad prymianieńnia zbroi i znajści sposaby mirnaha ŭrehulavańnia situacyi, u tym liku ŭ ramkach Minskaj hrupy ABSIE. Paćviardžajem hatoŭnaść akazać luboje nieabchodnaje sadziejničańnie ŭ prasoŭvańni dyjałohu bakoŭ u hetym i inšych prymalnych dla ich farmatach», — havorycca ŭ zajavie.
«Hałoŭnaje siońnia — jak maha chutčej spynić krovapralićcie i paźbiehnuć novych achviar. Čałaviečyja žyćci nieacennyja, tamu vielmi važna prykłaści ŭsie namahańni dla zachavańnia miru i spakoju ŭ rehijonie», — padkreślili ŭ biełaruskim źniešniepalityčnym viedamstvie.
