Fota Nadziei Bužan
Hałoŭny redaktar radyjostancyi «Echo Moskvy» Alaksiej Vieniadziktaŭ upeŭnieny, što na pieramovach u Sočy 14 vieraśnia Alaksandr Łukašenka i Uładzimir Pucin abmiarkoŭvali los byłoha kiraŭnika Biełhazprambanka Viktara Babaryki. Pra heta blizki da Kramla žurnalist zajaviŭ u efiry pieradačy «Budziem nazirać», piša Tut.by.
— Ja dumaju, što los Babaryki i los jaho tavaryšaŭ stajaŭ asobnym punktam u pieramovach Pucina i Łukašenki. Heta značyć, ja nie dumaju, ja viedaju. Ja nie viedaju vynik. Ale my jaho ŭbačym, — skazaŭ Vieniadziktaŭ.
Pres-sakratar Pucina Dźmitryj Piaskoŭ skazaŭ TUT.BY, što nie vałodaje infarmacyjaj pra pieramovy prezidentaŭ z nahody Babaryki. Razam z tym jon zasumniavaŭsia, što hałoŭred «Echo Moskvy» viedaje pra heta, pakolki sustreča Łukašenki i Pucina prachodziła ŭ farmacie «sam-nasam».
Atrymać kamientar u pres-słužbie Alaksandra Łukašenki nie atrymałasia.