Fota Alaksandry Ščyhlinskaj
Treciaha vieraśnia na sajcie Rady Kanfierencyj Biskupaŭ Jeŭropy (RKBIE), plenarnaja asambleja jakoj try hady tamu prachodziła ŭ Minsku, była apublikavana Adozva pa spravie arcybiskupa Tadevuša Kandrusieviča.
Adozva Prezidyumu RKBIE pa spravie arcybiskupa Tadevuša Kandrusieviča:
«Z 31 žniŭnia Jaho Ekscelencyi Tadevušu Kandrusieviču, arcybiskupu Minska-Mahiloŭskamu i Staršyni Kanfierencyi Katalickich Biskupaŭ u Biełarusi, jaki viartaŭsia z pajezdki ŭ Polšču, dzie braŭ udzieł u śviatkavańniach u honar Maci Božaj Čenstachoŭskaj, pieraškadžajuć viarnucca na Radzimu.
Prezidyum RKBIE vykazvaje salidarnaść usiaho jeŭrapiejskaha jepiskapatu z arcybiskupam Kandrusievičam i Kaściołam na Biełarusi ŭ hety balučy momant i padzialaje zaklik Papy Franciška «da dyjałohu, da spynieńnia hvałtu i da pavahi spraviadlivaści i zakonnaści». Taksama razam z Papam my daviarajem «usich biełarusaŭ abaronie Najśviaciejšaj Panny Maryi, Karalevy supakoju», — adznačajecca ŭ zajavie.
