Fota Nadziei Bužan
U čaćvier pozna viečaram stali vypuskać zatrymanych z Akreścina. Vypuścili sotni čałaviek, u tym liku i doktara Andreja Vitušku, zatrymanaha ŭ paniadziełak razam z žonkaj Kryścinaj i synam Mironam.
Unačy kala 1.20 hadziny kala CIP źjaviŭsia namieśnik ministra ŭnutranych spraŭ Alaksandr Barsukoŭ. Jon pierahavaryŭ z fatohrafami i chutka pajšoŭ da čornaha džypa i nie spyniŭsia kala ludziej. Žurnalisty pacikavilisia, kolki zatrymanych siońnia adpuściać.
— Usich, — skazaŭ jon na chadu. I dadaŭ: «Ździekaŭ nie było». «Vy adkažacie za heta», — kidajuć u śpinu žurnalisty.
Pa acenkach, padčas akcyj pratestu i paśla ich byli zatrymanyja kala 7 tysiač čałaviek, mnohija žorstka i biesčałaviečna źbityja, ludzi pa 10-15 hadzin musili stajać u RUUSach i niejkich haražach na kaleniach z apuščanaj hałavoj.
Źbivali biesčałaviečna i na samim Akreścina. Pacyjenty susiedniaj balnicy čuli stohny i kryki zatrymanych.
Biez kamientaroŭ.
