Fota: «Nastaŭnickaja hazieta»
«Załatoje piaro» Biełarusi Andrej Mukavozčyk apublikavaŭ na sb.by čarhovuju kałonku. Na hety raz jana pryśviečana abjadnanamu štabu i mahčymym pratestam u krainie.
Kałumnist prezidenckaj haziety piša, što ŭ Biełarusi rychtujuć kalarovuju revalucyju. Žesty abjadnanaha štaba «palcy-serca-kułak» Mukavozčyk paraŭnoŭvaje z nacysckim vitańniem «zih chajl».
Hałoŭnymi zavadatarami mahčymaj revalucyi ŭ Biełarusi žurnalist nazyvaje studentaŭ i tak zvanych «zarabitčan» (h. zn. pracoŭnych mihrantaŭ). Žurnalist pravodzić paraleli z Ukrainaj, bo paraŭnoŭvaje ich z «banderaŭcami» (tak rasijskaja prapahanda złosna-hrebliva nazyvaje žycharoŭ Zachodniaj Ukrainy).
«Rabić takim niama čaho, pierśpiektyvy ćmianyja, čamu nie pabuzić? Dy i hrošy zakančvajucca — voś ich im i nasypluć. I pašluć valić uładu», — piša ŭ svaim tvareńni Mukavozčyk.
Simvałam buntu Mukavozčyk nazvaŭ biełyja stužki.
«Kali ničoha pad rukoj niama — choć prakładku na siabie čaplaj, dumaju, jany jašče heta prapanujuć», — hrebliva piša Mukavozčyk.
«Załatoje piaro» ŭpeŭniena, što biełyja banty, biełyja majki, biełyja błuzki buduć uniformaj pratestujučych, bo na ich «efiektna hladzicca kroŭ».
Prapahandyst piša, što rychtujecca ckavańnie ŭsich «dziaržaŭnikaŭ», najezdy na vybarčyja kamisii i vuličny bunt niezaležna ad vybaraŭ.
«Chaču skazać usiamu našamu kreatyŭnamu fejsbučnamu kłasu, usim raznačyncam, jakija dapamahajuć raździmać bunt u sacyjalnych sietkach, usim mužyčkam z tapkam u adnoj ruce i pivam u inšaj. Vy hatovyja da taho, što ŭ vašaj siamji, u vašym domie, u vašym asiarodździ kahości nie stanie? Rychtujciesia. Mohuć navat zabić, a chutčej za ŭsio, zabjuć abaviazkova — biez hetaha babin bunt da kalarovaj revalucyi nie daraście. I, chutčej za ŭsio, zabjuć svaje ž: pravakacyja dla buntu — heta alfa i amieha», — piša kałumnist.
Mininfarm pryznaŭ Mukavozčyka najlepšym analitykam Biełarusi
Najlepšy! Mukavozčyk sioleta vyjhraŭ jašče i «Załatoje piaro»
