Milicyja praciahvaje šukać tych, chto ŭ internecie abraziŭ aktyvistaŭ BRSM.
Uviečary 5 červienia ŭ adnym z Telegram-kanałaŭ byli apublikavanyja piersanalnyja źviestki i spasyłki na staronki ŭ sacyjalnych sietkach ludziej, jakija ŭdzielničali ŭ pikiecie la handlovaha centra ŭ Minsku. U hety ž dzień praź virtualnyja paviedamleńni na ich adras pačali pastupać abrazy. U vyniku maładyja ludzi napisali kalektyŭny zvarot u milicyju. Pravaachoŭniki praviali pravierku pa zajavie i vyśvietlili asoby niekatorych pravaparušalnikaŭ. Dvuch ź ich užo pryciahnuli da administracyjnaj adkaznaści za abrazu.
Jašče adna 20-hadovaja minčanka zrabiła skrynšot akaŭnta ŭdzielnicy pikieta, raźmiaściła jaho ŭ siabie na staroncy ŭ sacyjalnaj sietcy i padpisała abraźlivymi słovami. Dopis staŭ publičnym, tamu na dziaŭčynu vyrašyli padać u sud dla pryciahnieńnia jaje ŭžo da kryminalnaj adkaznaści. Anałahičnyja zajavy buduć razhledžany jašče ŭ adnosinach piaciarych karystalnikaŭ, jakija pad publikacyjaj pakinuli abraźlivyja vodhuki. Akramia taho, milicyja praciahvaje vyśviatlać asoby astatnich ludziej, jakija abražali zajaŭnicu ŭ siecivie. Usiaho takich kala 50 čałaviek.
