Na razhlad u sud pieradadziena kryminalnaja sprava ŭ dačynieńni da 37-hadovaha raniej sudzimaha minčuka, jaki spraviŭ patrebu prosta pasiarod kramy, raspaviali minsknews.by u prakuratury Centralnaha rajona.
Niećviarozy hramadzianin pryjšoŭ viečaram u kramu pa piva. Užo ŭ čarzie ŭ kasu jamu pryśpičyła sparažnić mačavy puchir. Niadoŭha dumajučy, jon adviarnuŭsia i spraviŭ patrebu prosta na chaładzilnik z napojami, pryčyniŭšy škodu handlovaj kropcy na 5 rub. 28 kap.
Mužčynu adrazu ž zatrymali achoŭniki kramy. Akazałasia, im hety hramadzianin byŭ dobra znajomy: jaho nieadnarazova abvinavačvali ŭ kradziažy tavaraŭ, raśpićci ałkaholu prosta ŭ handlovaj zale i parušeńni hramadskaha paradku. Dla dalejšaha razboru pieradali chulihana milicyjantam.
— Abvinavačany pryznaŭ vinu całkam. Jon rastłumačyŭ, što ŭ toj momant jamu było indyfierentna na navakolnych: nie chaciełasia vychodzić z kramy i hublać čarhu ŭ kasu, — raspaviali ŭ rajonnaj prakuratury. — Mužčyna nidzie nie pracuje, pakutuje na chraničny ałkahalizm, raniej byŭ sudzimy za chulihanstva. U dačynieńni da jaho była raspačataja kryminalnaja sprava za chulihanstva. Čakaje vierdyktu suda hramadzianin u śledčym izalatary.
