Na ŭračystym schodzie z nahody Dnia Niezaležnaści Alaksandr Łukašenka zaklikaŭ biełarusaŭ 9 žniŭnia dziejničać «biez usiakaj litaści».
— 9 žniŭnia biez usiakaj litaści: nie treba hladzieć na Łukašenku, što jon voś heta naš, jon z nami byŭ. Litaść nam nie sajuźnik. Vy pavinny, jak u narodzie kažuć, uziać hałavu ŭ ruki, padumać i vyrašyć pytańnie. Łukašenki prychodziać i sychodziać, buduć inšyja, jon nie viečny. A žyćcio na hetym kavałku ziamli pavinna praciahvacca. Tamu adkińcie ŭsie emocyi, siońnia nie da emocyj, siońnia hrajuć na vašych i maich emocyjach, siońnia vykarystoŭvajuć tak zvanyja novyja technałohii: internet i inšaje. My pavinny pakazać, što my biełarusy i my dobra raźbirajemsia va ŭsiakich chitrasplacieńniach internetaŭskich. My pavinny hodna prajści hety pieryjad. A vy biez usiakaj litaści pavinny vyznačyć, z kim vy dalej budziecie žyć i jak vy budziecie budavać svaju suvierennuju niezaležnuju krainu dla svaich dziaciej, — zajaviŭ Łukašenka.
