Fota Nadziei Bužan
Kala 20 śpiecyjalistaŭ hatovyja akazać psichałahičnuju dapamohu ludziam, jakija paciarpieli ad emacyjnaha i fizičnaha hvałtu z boku pravaachoŭnych orhanaŭ. Kansultacyi buduć prachodzić anłajn i absalutna biaspłatna, piša Tut.by.
Pieršym ideju dapamohi prapanavaŭ praktykujučy psichołah Maksim Pyloŭ. Pra heta jon napisaŭ na svaich staronkach u sacsietkach. Akramia tych, kamu patrebna padtrymka, na prapanovu śpiecyjalista adhuknulisia i jaho kalehi. Jany taksama hatovyja dapamahać i pracavać z paciarpiełymi. Zaraz u kamandzie kala 20 prafiesijanałaŭ.
— Kali ludzi sutykajucca z hvałtam i siłaj, jakim jany nie mohuć supraćstajać, heta traŭmujučaja padzieja, — tłumačyć situacyju Maksim Pyloŭ. — Kali z hetym, asabliva na pačatkovym etapie, nie papracavać, to heta moža pryvieści da traŭmy i ŭpłyvać na aśpiekty dalejšaha žyćcia, vybaru i emacyjnaha stanu ŭ cełym.
Źviazacca ź psichołahami možna pa telefonie +375 29 625-65-93 (Maksim Pyloŭ) abo praz sacsietki ŭ Facebook, Instagram, Ukantakcie. Z-za epidemijałahičnaj situacyi ŭsio kansultacyi buduć prachodzić u Zoom abo Skype, tamu śpiecyjalisty hatovy pracavać ź ludźmi z roznych rehijonaŭ.
Akazvać dapamohu psichołahi buduć nie tolki zatrymanym, ale i ich blizkim.
— Rodnyja zatrymanych taksama vielmi emacyjna ŭklučajucca ŭ hetuju situacyju. Jany sutykajucca sa stracham i tryvohaj straty, ź niaviedańniem taho, što adbyvajecca ź blizkim čałaviekam, — kaža Maksim Pyloŭ. — Na dniach, naprykład, ja źviazvaŭsia ź dziaŭčynaj, u jakoj zatrymali muža. Zaŭtra budu kansultavać dziaŭčynu, jakaja sutki praviała ŭ IČU.