Łukašenka na sustrečy z aktyvistami ŭ Breście zaklikaŭ nie pierachodzić na abrazy.
«Vusaty tarakan», jašče niešta… Ja pakul što jašče dziejny prezident. Ni ŭ adnoj krainie nie dazvolena abražać ludziej. Ja ž nikoha z vas nie abraziŭ asabista. A kali chočacie roznaha rodu žullo abaranić, vy abaraniajcie, ale tolki nie sa mnoj. Karupcyjanieram u krainie rabić niama čaho», — padkreśliŭ jon.
«Pieradvybarnaja kampanija» 2020 hoda prachodzić śpiecyfična. Dva asnoŭnyja kankurenty Alaksandra Łukašenki — videabłohier Siarhiej Cichanoŭski i bankir dy miecenat Viktar Babaryka byli aryštavanyja. Pad aryštam akazaŭsia i syn Babaryki. Ahułam za čas kampanii byli aryštavanyja pa kryminalnych spravach i asudžanyja pa administratyŭnych sotni paplečnikaŭ Babaryki i Cichanoŭskaha, a taksama lidary apazicyi i viadomyja błohiery.
