flickr.com
Ministerstva achovy zdaroŭja Litvy abviaściła śpis krain, jaki budzie dziejničać z 8-14 červienia — ludziam, jakija pryjechali z hetych krain, nie treba pravodzić u karancinie 14 dzion, piša Delfi.lt.
Heta Łatvija i Estonija, Polšča, Čechija, Słavakija, Charvatyja, Słavienija, Niamieččyna, Niderłandy, Aŭstryja, Narviehija, Danija, Finlandyja, Vienhryja dy inš.
U Litvu nielha pryjazdžać z takich krain, jak Šviecyja, Vialikabrytanija i Partuhalija. Pryjezdžyja ź Bielhii i Irłandyi pavinny pravieści ŭ karancinie 14 dzion.
Sistema prostaja: u Litvu možna pryjazdžać z krain, dzie ŭ apošnija dva tydni ŭzrovień zachvorvańnia składaŭ 15-25 čałaviek na 100 000, tolki ŭ takim vypadku pryjdziecca dva tydni pravieści ŭ izalacyi. Kali čałaviek pryjechaŭ z krainy, dzie kolkaść zachvorvańniaŭ składaje mienš za 15 čałaviek na 100 000 žycharoŭ, to izalavacca nie treba.
U Biełarusi hety pakazčyk składaje pakul 132 i jaje ŭ śpisie prosta niama.
Dla paraŭnańnia: u Charvatyi kaeficyjent zachvorvajemaści na 100 tysiač składaje — 0.2, Słavienii — 0.4, Šviejcaryi — 2.5, Łatvii — 3.0, Narviehii — 3.9, Estonii — 6.8, Čechii — 6.9, Polščy — 13.0. Mała taho, u krainach, dzie niadaŭna šaleŭ karanavirus: Italii — 9,9, Ispanii — 13.3, a Francyi — 13.9.
U Partuhalii — 36, Brytanii — 45.3, Šviecyi — 96.2.
