TASS
Ruskaja pravasłaŭnaja carkva (RPC) vyrašyła ŭvieści ŭ chramach masačny režym i nie puskać viernikaŭ biez srodkaŭ abarony. Pra heta paviedamlaje Telegram-kanał «Padjom».
Pa słovach kiraŭnika Sinadalnaha adździeła źniešnich carkoŭnych suviaziaŭ Mitrapalita Iłaryjona, supracoŭniki chramaŭ buduć vydavać maski na ŭvachodzie.
«Kali jany pryjduć biez maski, značyć, supracoŭniki chrama abaviazany vydać masku vierniku, i my budziem u takim režymie słužyć da taho času, pakul karancinnyja miery nie buduć asłablenyja abo admienienyja», — adznačyŭ jon.
Taksama pradstaŭnik RPC zajaviŭ, što ŭ kožnym rasijskim chramie padličana maksimalnaja kolkaść viernikaŭ, jakija mohuć adnačasova znachodzicca na nabaženstvie. Tym, chto nie źmieścicca ŭ chram, pryjdziecca albo stajać na vulicy i słuchać tranślacyju, «albo jany buduć pieraadrasavanyja ŭ susiedni chram».
