Aptovaja cana na haz dla nasielnictva i vytvorčaści va Ukrainie ŭ mai źmienšyłasia na 21 pracent u paraŭnańni z krasavikom, paviedamlaje «Jekonomična pravda».
Fota Nadziei Bužan
Pry hetym z pačatku hoda ceny źnizilisia jašče bolš rezka — na 51 pracent u paraŭnańni sa studzieniem i na 62 pracenty ŭ paraŭnańni z tym ža pieryjadam 2019 hoda.
U «Naftahazie» patłumačyli takuju dynamiku abvalvańniem cen na enierhanośbity. Na fonie suśvietnaha kryzisu cana hazu ŭ mai ŭ Jeŭropie dasiahnuła histaryčnaha minimumu za apošnija 10 hadoŭ.
Košt hazu dla nasielnictva i vytvorčaści skłaŭ 2,3 hryŭni za kubamietr, abo 85 dalaraŭ za tysiaču kubamietraŭ, biez uliku PDV i vydatkaŭ na transparciroŭku paliva.
Biełaruś kuplaje haz u Hazprama za 127 dalaraŭ za tysiaču kubamietraŭ. Dla biełaruskich spažyŭcoŭ hetaja cana jašče vyšejšaja.
