Na sajcie Śviata-Jelizaviecinskaja manastyra, jaki znachodzicca na ŭskraŭku Minska, u Navinkach, źjaviłasia ledź zaŭvažnaja abviestka, što ad 30 krasavika ciaham dvuch tydniaŭ bahasłužeńni ŭ manastyry buduć ździajśniacca manaškami biez prychadžan.

Jašče na minułym tydni pra Śviata-Jelizaviecinski manastyr pisali, jak pra adzin z najbolš aktyŭnych ahmianioŭ karanavirusa ŭ Minsku. Adnak nastajaciel Andrej Lemiašonak nazyvaŭ heta chłuśnioj i infarmacyjnaj vajnoj. Nadzvyčaj emacyjny post na hetuju temu napisała rasijskaja žurnalistka Maryna Achmiedava, ź jakoj źviazvalisia manaški ź Minska.

Na staroncy «UKantakcie» manachini Iulijanii (Dzianisavaj), jakaja kiruje manastyrskim choram, siońnia źjaviłasia nastupnaja abviestka: «Darahija! Prosim vašych malitvaŭ ab zdaroŭi man. Iulijanii. Špitalizavanaja z COVID-19 i dvuchbakovaj pnieŭmanijaj. Stan stabilny, nastroj dobry».

U kamientach da hetaha dopisu taksama prosiać malitvaŭ za adnu z salistak choru, jakaja taksama znachodzicca ŭ balnicy z karanavirusam.

BPC čakaje vynikaŭ epidemijałahičnaj pravierki, jakaja prachodziła ŭ manastyry. Pa vynikach hetaj pravierki jany pavinny zrabić aficyjnuju zajavu.

Hladzi taksama: Sa Śviata-Jelizaviecinskaha manastyra pastupajuć sihnały pra karanavirus. Raskazvajem pra Andreja Lemiašonka, jaki stvaryŭ hetu impieryju

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?