Saŭlus Skviarnialis, Delfi, Kiril Čachovski
Litva hatovaja pavialičyć tranzit biełaruskich tavaraŭ praz Kłajpiedski marski port, zajaviŭ u aŭtorak premjer Saŭlus Skviarnialis, piša Delfi
S. Skviarnialis u aŭtorak abmierkavaŭ dvuchbakovyja adnosiny i mahčymaści ŭmacavańnia ekanamičnaha supracoŭnictva ź niadaŭna pryznačanym pasłom Biełarusi ŭ Litvie Valeryjem Baranoŭskim, paviedamiła pres-słužba ŭrada. «Litva hatova i ŭ dalejšym supracoŭničać ź Biełaruśsiu ŭ ažyćciaŭleńni tranzitu tavaraŭ praz terytoryju Litvy i Kłajpiedski marski port, a pry najaŭnaści mahčymaściaŭ - pavialičyć jaho abjomy», - havorycca ŭ pres-relizie ŭrada.
Pa słovach premjera, Litvu radujuć aktyŭnyja ekanamičnyja suviazi pamiž krainami, a taksama raście kolkaść hramadzian Biełarusi, jakija pryjazdžajuć u Litvu z turystyčnymi metami i pa pakupki.
Jak adznačaje ŭrad, na sustrečy taksama abmiarkoŭvałasia budaŭnictva Biełaruskaj AES u Astraŭcy.
