Dziaržsakratar ZŠA Majk Pampiea ŭ suviazi z pratestami kala budynka amierykanskaj ambasady ŭ Bahdadzie vyrašyŭ adkłaści vizit va Ukrainu. Pra heta paviedamlaje ahienctva AFP sa spasyłkaj na zajavu Dziaržaŭnaha departamienta ZŠA.
Raniej paviedamlałasia, što dziaržsakratar ZŠA Majk Pampiea pieranios taksama aficyjny vizit va Uźbiekistan, zapłanavany na 5—6 studzienia.
Pavodle infarmacyi Ministerstva zamiežnych spraŭ Uźbiekistana, vizit pieranosicca «na bolš poźni termin» «pa damoŭlenaści». Inšych padrabiaznaściej niama.
Pieranos źviazany z abvastreńniem situacyi ŭ Iraku, dzie prairanskija siły atakavali pasolstva ZŠA. Vašynhton byŭ vymušany dadatkova pierakinuć u Irak 750 vajskoŭcaŭ.
Pampiea płanavaŭ naviedać pa čarzie Ukrainu, Biełaruś, Kazachstan, Uźbiekistan i Kipr.
Vizit u Biełaruś razhladajecca jak prajava narmalizacyi adnosin miž dźviuma krainami na fonie patrabavańniaŭ Maskvy pierajści da «pahłyblenaj intehracyi» miž dźviuma dziaržavami.
